Rætin framkoma; í garð Paul´s Ramses, frá Kenía, hver hugði sig fá betri móttökur, hér á Fróni !

Enn ein; andstyggðarmynd stjórnarhátta hérlendra birtist, í umfjöllun fréttastofu Ríkissjónvarpsins, fyrir stundu, af háttsemi íslenzkra vaktara (lögreglu),, hverjir hnepptu hrekklausan mann, og grandvaran, sunnan frá Kenía, í straff nokkurt, unz með flugi yrði fluttur, héðan, í morgunmálið, af landi brott, og skyldi vélað um hans mál, með ítölskum, hvaðan hann hafði komið, hingað. 

Forsmán íslenzkra yfirvalda; er ekki hvað sízt, fólgin í, að mál Paul´s átti að taka fyrir, af hálfu Reykvízka skrifræðisins, nú í Marz leið, en sviksemi kerfislægra íslenzkra, hefir svo sem viðbrugðið verið, um langan aldur, hvað landsmenn þekkja gjörla, allvíða.

Þetta mál eykur varla þann hróður, hver nógsamlega var lélegur fyrir, fyrir Íslendinga, í áþekkum tilvikum, frá fyrri tíð, svo sem. 

Árnesþingi  2. VII. MMVIII 

Athugasemdir

[pirrhringur, 2.7.2008 kl. 21:24]

þetta er djöfullegt

[Johnny Rebel (IP-tala skráð) 2.7.2008 kl. 23:23]

Heill og Sæll Óskar.

Vildi nota tækifærið og kasta á þig og Skúla Skúlason kveðju. Hef lítið verið á netinu undanfarið vegna anna en mogginn bannaði mig eins og þú bentir réttilega á í ýmsum færslum þínum. Raunar þá varstu eini maðurinn sem þorði að minnast á það mál.

Engar þakkir fá hugleysingjar sem er sama um þótt landsmönnum sé bannað að tjá skoðanir sínar. 

[Skattborgari, 2.7.2008 kl. 23:27]

Gaman að sjá þig aftur Johnny Rebel.

[Johnny Rebel (IP-tala skráð) 2.7.2008 kl. 23:33]

Þakka þér fyrir það Skattborgari og heill sé þér.

[Aðalsteinn Baldursson, 2.7.2008 kl. 23:49]

Sælir.
Við getum verið sammála um að illa sé komið fram við manninn, sem að verður að skilja konu sína og kornabarn eftir hér á landi (að mér skildist í fréttum).
Hitt er svo annað mál að ekki er við lögregluna að sakast heldur þá sem setja lögin. Löggurnar vinna bara sína vinnu og hafa ekkert með það segja hvort e-h fái eða fái ekki landvistarleyfi.

[Óskar Þorkelsson, 3.7.2008 kl. 01:47]

sammála þér Nafni.

[Eva (IP-tala skráð) 3.7.2008 kl. 10:19]

Það er með öllu óþolandi að fólk sem tekur þátt í svínaríi skuli alltaf geta gengið að því vísu að almenningur sætti sig við rökin "ég er bara að vinna vinnuna mína". Þeir sem skrúfuðu frá gasinu í fangabúðum Nasista voru líka bara að vinna vinnuna sína. Fólk hættir ekki að bera ábyrgð á gjörðum sínum þótt það sé í vinnunni.

[Aðalsteinn Baldursson, 3.7.2008 kl. 13:31]

Ertu þá að segja Eva að löggurnar eigi bara að sinna því í sinni vinnu sem þeim finnst ásættanlegt? Hvernig á það að ganga upp?

[Óskar Helgi Helgason, 3.7.2008 kl. 13:44]

Komið þið sæl; og þökk fyrir innlit, sem athugasemdir allar !

Jhonny Rebel ! Tek undir; með Skattborgara, veitir ekki af, liðstyrk þínum.

Aðalsteinn ! Eva hefir fullkomlega rétt fyrir sér, brjóti einhver heimskuleg lagaboð undirförulla og svikulla valdhafa, gegn samvizku manna, þótt svo vaktarar (lögregla) séu, þá ber þeim engin skylda til, að framfylgja þeim, svo einfalt er það, nkosi minn.

Þakka svo Evu; sem mörgum annarra, drengilega liðveizlu, við hinn ágæta keníska mann. Ekki mun af veita.

Með beztu kveðjum, sem jafnan / Óskar Helgi Helgason 

[pirrhringur, 3.7.2008 kl. 13:54]

Heyr heyr Eva.

Fólk sem tekur við siðlausum skipunum og framkvæmir þær og heldur að það sé bara alltílagi af því að það er kallað vinna stendur í vegi fyrir allri framþróun.